वाडा (पालघर) : वाडा येथील इंग्रजी माध्यमाच्या ‘लिटिल एंजल्स’ या शाळेचा दहावीचा निकाल १०० टक्के लागला आहे. या शाळेच्या दहावीच्या पहिल्या बॅचपासून सलग ११ वर्षे १०० टक्के निकाल लागत असल्याने या शाळेचे व्यवस्थापक, शिक्षक व विद्यार्थ्यांवर अभिनंदनाचा वर्षाव होत आहे.
या वर्षी वाडा तालुक्याचा दहावीचा निकाल ८७.६७ टक्के लागला असून, तालुक्यातील लिटिल एंजल्स स्कूल, गुंज आश्रमशाळा, वडवली विद्यालय व म्हसवल रावतेपाडा या पाच विद्यालयांचा निकाल शंभर टक्के लागला आहे. वाडा येथील पां. जा. विद्यालयाची सेजल बोंद्रे ही विद्यार्थिनी ९७.८० टक्के गुण मिळवून तालुक्यात प्रथम आली आहे. याच विद्यालयाच्या समीक्षा पाटील हिने ९६ टक्के गुण मिळवून या विद्यालयातून दुसरा क्रमांक पटकावला आहे.
